|
|
|
ZABORRAK BILTZEKO ZERBITZU BERRIA
2007an, Tolosaldeko Mankomunitateak zaborrak biltzeko zerbitzu mankomunatu bat martxan jarri zuen eskualdeko 28 udalerrietan. Udal bakoitzak orain arte ematen zituen zerbitzuak bildu nahian, Tolosaldeko Mankomunitateak bilketa-sistemak bateratu eta kalitatezko zerbitzua eskainiko du: erosoa, eraginkorra, garbia eta erabilerraza. Zerbitzuaren kudeaketa Serbitzu Elkartea eta Fomento de Construcciones y Contratas enpresek osatutako aldi baterako enpresa elkarteari esleitu zaio. Orain arte, edukiontzietan eta ibilgailuetan inbertitu dugu. Hartara, Albiztur, Ikaztegieta eta Lizartzan hasi den bezala, bilketa zerbitzuko edukiontzi eta ibilgailuen parke guztia berrituko dugu datozen egunotan eta asteotan.
(Ikus triptikoa)
Edukiontzi berriak
Edukiontzi berri gehienak “albo-kargakoak” izango dira eta edukiontziarekiko paralelo jarriko den ibilgailu robotizatu batek automatikoki hustuko ditu eskuinaldetik. Bilketako sistema berri hau tradizionala baino azkarragoa ez ezik, isilagoa da, edukiontzia ez baita arrastaka eraman behar. Albo-kargako zabor edukiontziak edukiera handiagokoak dira, eta, horri esker, hondakin kopuru bera bildu daiteke edukiontzi unitate gutxiagorekin.
Dena den, leku batzuetan, bertako ezaugarriak direla eta, ezin dira albo-kargako edukiontziak jarri, eta horrelakoetan, atzeko kargako edukiontzi tradizionalen bidezko bilketa sistemari eutsi diogu.
Alboko eta atzeko kargako edukiontzi berriak erosoagoak dira zaborra botatzeko, estalkia irekitzeko pedal bat baitute.
Halaber, papera eta ontziak biltzeko “iglu” motako edukiontzi tradizionalen ordez, albo-kargako edukiontziak jarriko dira.
Bilketa-guneen berrantolaketa
Batzuetan, bilketa-gune batzuk aldatu beharko dira, izan ere, albo-kargako edukiontziak kamioiari paralelo daudenean soilik hustu daitezke. Zaborra biltzeko guneak zehazterakoan, hondakinen birziklatzea kontuan hartu da, eta horretarako, “isleta” batzuk sortu dira, non zaborra, beira, papera eta ontziak bilduko diren.
Aldaketa hauek guztiak Udalekin aztertu eta adostu dira, udalerriaren hiri-ezaugarriak eta ezaugarri tekniko eta sozialak kontuan hartuta. Hori dela eta, aldaketa hauek errespetatzea espero dugu. Edukiontzien kokalekuak Tolosaldeko Mankomunitatearen web-orri honen amaieran (www.tolosaldea.org) eta eskualdeko Udaletan kontsultatu daitezke.
Bilketa maizago egingo da
Udalerri gehienetan zabor bilketa maizago egingo da. Hortaz, eskualdeko herri handienetan, zaborra egunero bilduko da, baita jaiegunetan ere, astelehenetik igandera. Gainerako herrietan, astean bitan edo bostetan bilduko da zaborra, herriko biztanle kopuruaren arabera.
Era berean, paperen eta ontzien bilketa ere maizago egingo da. Biztanle gehien dituzten herrietan, astean bitan edo lautan bilduko da papera eta astean behin edo hirutan ontziak. Biztanle gutxiko herrietan, berriz, paperaren eta ontzien bilketa bikoiztu egingo da, eta hamabost egunean behin jaso beharrean, astean behin bilduko dira.
Altzarien eta traste zaharren bilketa
Orain arte, eskualdeko herri batzuek ez zuten altzarien eta traste zaharren bilketa zerbitzurik. Tolosaldeako Mankomunitatearen zerbitzu berri honek altzarien bilketa bermatzen du udalerri guztietan. Altzarien eta traste zaharren bilketaren maiztasuna eta bilketa eguna ondorengo taulan ikus daiteke:
|
UDALERRIA |
Bilketa eguna |
|
ANDOAIN |
Asteartero |
|
ZIZURKIL |
Asteartero |
|
TOLOSA |
Asteazkenero |
|
IBARRA |
Ostegunero |
|
VILLABONA |
Ostegunero |
|
AMEZKETA |
Hilabete bakoitzeko lehen eta hirugarren asteartean |
|
ASTEASU |
Hil bakoitzeko lehen eta hirugarren asteartean |
|
IRURA |
Hil bakoitzeko lehen eta hirugarren asteartean |
|
ALEGIA |
Hil bakoitzeko bigarren eta laugarren asteartean |
|
ANOETA |
Hil bakoitzeko bigarren eta laugarren asteartean |
|
BERASTEGI |
Hil bakoitzeko lehen eta hirugarren ostegunean |
|
IKAZTEGIETA |
Hil bakoitzeko lehen ostegunean |
|
ABALTZISKETA |
Hil bakoitzeko bigarren ostegunean |
|
ALBIZTUR |
Hil bakoitzeko bigarren ostegunean |
|
ALTZO |
Hil bakoitzeko bigarren ostegunean |
|
BALIARRAIN |
Hil bakoitzeko bigarren ostegunean |
|
LIZARTZA |
Hil bakoitzeko bigarren ostegunean |
|
ORENDAIN |
Hil bakoitzeko bigarren ostegunean |
|
OREXA |
Hil bakoitzeko bigarren ostegunean |
|
ADUNA |
Hil bakoitzeko hirugarren ostegunean |
|
ALKIZA |
Hil bakoitzeko hirugarren ostegunean |
|
BELAUNTZA |
Hil bakoitzeko hirugarren ostegunean |
|
BERROBI |
Hil bakoitzeko hirugarren ostegunean |
|
ELDUAIN |
Hil bakoitzeko hirugarren ostegunean |
|
GAZTELU |
Hil bakoitzeko hirugarren ostegunean |
|
HERNIALDE |
Hil bakoitzeko hirugarren ostegunean |
|
LARRAUL |
Hil bakoitzeko hirugarren ostegunean |
|
LEABURU-TXARAMA |
Hil bakoitzeko hirugarren ostegunean |
Zerbitzu hau erabiltzeko, komenigarria da 902 11 92 43 doako telefono zenbakira deitzea eta zenbat altzari eta non utziko diren jakinaraztea.
|
|
|
Erantsitako fitxategiak:
