ZEIN HONDAKIN SARTU BEHAR DIRA?
Egun gaika biltzen ez diren hondakinak sartuko ditugu zabor-poltsan:
- materia organikoa: janari solidoa eta besteak beste, barazki-, fruta-, arrain-, haragi-hondarrak,...
- berrerabili edo birziklatu ezin diren hondakinak: konpresak, pixoihalak, zigarro-puntak, etab.
NOLA SARTU BEHAR DIRA?
Hondakinak edukiontzietan, poltsa itxitan sartu behar dira.
EZ SARTU
- Berrerabili edo birziklatu daitekeen hondakinik: beirazko edo plastikozko ontziak, latak, metalezko ontziak, tetra-brikak, papera, kartoia, arropa, oinetakoak.
- Etxeko hondakin arriskutsurik: pilak, pinturak, fluoreszenteak, bateriak, etxetresna elektrikoak, olioak,...
Hondakin-mota hauetarako, erabil itzazu gaikako bilketa-zerbitzuak.
ZER EGITEN DA?
Kamioiek bildutako hondakinak Beasainera, Sasietako hiri-hondakinen zabortegira eramaten dira.
Biztanle gehien dituzten herrietan (Andoainen, Ibarran, Tolosan eta Villabonan), hondakinak egunero biltzen dira, baita jaiegunetan ere. Gainerako herrietan, astean bitan edo bostetan biltzen da zaborra.
